Search


	Podcast:		Samfélagið
	Episode:		Orkumálastjóri, matarprentun, málfarsmínúta og afnæming mjólkurofnæmis
	Category:		Society & Culture
	Duration:		00:57:49
	Publish Date:		2024-03-20 13:00:00
	Description:		Við ætlum að ræða orku- og auðlindamálin við Höllu Hrund Logadóttur, orkumálastjóra, og það er af mörgu að taka. Við ræðum aukna ásókn erlendra fyrirtækja í íslenska orku og auðlindir - en Halla telur brýnt að endurskoða lög og reglur til að tryggja þjóðaröryggi og hagsmuni komandi kynslóða. Við ræðum líka orkuskiptin en ýmsir hafa undanfarið viðrað miklar efasemdir um að markmið stjórnvalda um orkuskipti og kolefnishlutleysi fyrir árið 2040 náist. Loks forvitnumst við aðeins um ráðstafanir sem er verið að gera til að tryggja heitavatnsöryggi á Suðurnesjum á hamfaratímum. Svo fræðumst við um verkefni sem snýst um þrívíddarprentun á matvælum og hvernig tæknin getur nýst við að fullnýta hráefni eins og afskurð sem fellur til í fiskvinnslu. Tölum við Maríu Guðjónsdóttur prófessor í matvælafræði um það. Við heyrum málfarsmínútu og í lok þáttar kemur Edda Olgudóttir í vísindaspjall. Tónlist: Moses Hightower - Alltígóðulagi. John Lennon - Watching The Wheels. Bjartmar og Bergrisarnir - Pening.
	Total Play:		0