Search


	Podcast:		Samfélagið
	Episode:		Mold, nánd, málfar og sýklalyf
	Category:		Society & Culture
	Duration:		00:00:00
	Publish Date:		2023-04-05 13:00:00
	Description:		Við ætlum að tala um mold hér í byrjun þáttar - við helsta sérfræðing okkar í því fyrirbæri, Ólaf Gest Arnalds prófessor, en hann gaf nýverið út heljarinnar ritverk sem er tileinkað íslenskum jarðvegi og náttúru. Mold er svo mögnuð, undirstaða alls, áhrifavaldur í öllu okkar umhverf, en hún er líka afskaplega viðkvæm - og jafnvel hættuleg. Svo er hún okkar mikilvægasta og að mörgu leiti vanmetnasta auðlind. Hvaða væntingar hefur fólk á aldrinum 18-25 ára þegar kemur að ást og nánd? Katrín Pálma og Þorgerðardóttir er nýbyrjuð á doktorsverkefni þar sem hún kannar m.a. hverju byltingar eins og MeToo hafa skilað sér til ungmennin sem þau svo nýta í eigin lífi og samböndum. Ungt fólk býr eðli málsins samkvæmt oft ekki yfir mikilli reynslu af ástarsamböndum og því er áhugavert að heyra hvaða hugmyndir það hefur um nánd og ást og ekki síður að skoða hvaðan slíkar hugmyndir koma. Málfarsmínútan er á sínum stað og í lok þáttar kemur svo Edda Olgudóttir til okkar í vísindaspjallið og ætlar að ræða við okkur um mikinn og alvarlegan ófögnuð; sýklalyfjaónæmi.
	Total Play:		0