Search

Home > Samfélagið > Hampolía með kannabis, félagsvísindi í HÍ, málfar, rusl og örþræðir


	Podcast:		Samfélagið
	Episode:		Hampolía með kannabis, félagsvísindi í HÍ, málfar, rusl og örþræðir
	Category:		Society & Culture
	Duration:		00:00:00
	Publish Date:		2023-02-08 13:00:00
	Description:		Í gær var gefin út tilkynning um innköllun á ákveðinni tegund af hampolíu sem reyndist innihalda efnið thc, en það efni finnst í kannabisplöntunni og er álitið fíkniefni hér á landi. Hampolía þessi var til sölu í matvöruverslunum og thc mældist við eftirlit vera yfir leyfilegum mörkum. Annað efni sem unnið er úr kannabis er cbd sem ýmsir telja að geti verið afar heilsusamlegt. T.d. sem fæðubótarefni. Við ætlum aðeins að ræða þessi mál við Þórhall Inga Halldórsson, prófessor í matvæla- og næringarfræði við Háskóla Íslands. Við ræðum við Rannveigu Traustadóttur prófessor emiritus í fötlunarfræðum við Háskóla Íslands. Um þessar mundir er loks verið að fagna því að hálf öld er liðin síðan námsbraut í þjóðfélagsfræðum var stofnuð innan háskólans, innan hennar var félagsfræðin, mannfræðin og stjórnmálafræðin - þetta var semsagt fyrirveri félagsvísindadeildar sem hefur auðvitað þróast og stækkað, sálfræðin kom til dæmis inn og svo hefur þarna verið fjöldi þverfaglegra baráttugreina eins og kynjafræði, fötlunarfræði og hinsegin fræði. Hvað var háskólinn áður en þessi deild var stofnuð - og hverju breytti hún, fyrir skólann sem og samfélagið - Rannveig rifjar þetta og ýmislegt fleira upp með okkur. Við heyrum málfarsmínútu og Edda Olgudóttir kemur svo til okkar í vísindaspjall. Hún ætlar að segja okkur frá mælingum á mengun af völdum örþráða í fötum.
	Total Play:		0