Search

Home > Samfélagið > Móttaka flóttafólks, markaðir, sjálfbært hús á Spáni og málfar


	Podcast:		Samfélagið
	Episode:		Móttaka flóttafólks, markaðir, sjálfbært hús á Spáni og málfar
	Category:		Society & Culture
	Duration:		00:00:00
	Publish Date:		2022-03-07 13:02:00
	Description:		Nú er talið að um 1,7 milljónir hafi flúið Úkraínu til Evrópu vegna stríðsins og búist er við að minnsta kosti öðrum eins fjölda á næstunni. Langflestir fara yfir landamærin í vestri; til Póllands, Ungverjalands, Moldóvu, Slóvakíu og Rúmeníu. Þaðan halda margir áfram til Evrópu. Formaður flóttamannanefndar sagði um helgina að búast mætti við að hingað gætu komið um 2000 manns á flótta undan stríðinu. Gylfi Þór Þorsteinsson, sem áður var umsjónarmaður sóttvarnarhúsanna hér hefur tekið að sér aðgerðastjórn í sérstöku teymi sem sér um móttöku fólks hér á flótta undan stríðinu. Við ræðum við hann. Það er titringur á mörkuðum víða vegna ástandsins í heimsmálunum og stríðsins í Úkraínu. Verð á orku og hrávöru rýkur upp og hlutabréf lækka. Við ætlum að reyna að átta okkur á stöðunni og tala við Jón Bjarka Bentsson aðalhagfræðing Íslandsbanka. Við Íslendingar tökum því gjarnan sem gefnu að hafa öll ljós kveikt, öll rafmagnstæki í gangi og hleðslu, getað hækkað hitann upp úr öllu valdi og farið í langar sjóðandi heitar sturtur. Við ætlum að heyra af ungri íslenskri konu sem býr í húsi þar sem þetta er ekki gefið - Anna Tara Andrésdóttir flutti nýverið í hús í sveitarsælu Spánar sem hvorki er tengt við rafmagn, hita eða vatn. Það þarf að safna vatni, eldivið og sólargeislum til að keyra allt áfram - og við ætlum að forvitnast um hvernig það gengur. Já og svo er málfarsmínútan á sveimi hjá okkur líka.
	Total Play:		0