|
Os que temos a fortuna de vivir nun país como o noso adoitamos emocionarnos, compadecernos e mesmo solidarizarnos ante imaxes que nos chegan doutros países subdesenvolvidos ou en vías de desenvolvemento. E convenientemente esquecemos que esa allea realidade é moi similar á de moitos e moitas das nosas concidadás, preferimos que permanezan invisibles. Boa parte dos esforzos de ASF Galicia dedicámolos á cooperación local, a quen reside nos asentamentos precarios de A Coruña: O Portiño, As Rañas e A Pasaxe. Hoxe acompáñanos Carolina Jack para comentarnos os proxectos que se están desenvolvendo, a responsable na actualidade do equipo de persoas que os están sacando adiante. |