Search

Home > Cuntrasts > Tranter magia, birocrazia e corona – Roman Weishaupt, il nov directur
Podcast: Cuntrasts
Episode:

Tranter magia, birocrazia e corona – Roman Weishaupt, il nov directur
Category: Government & Organizations
Duration: 00:26:16
Publish Date: 2021-01-03 10:25:00
Description: Ch’i saja stà in start franà, lascha Roman Weishaupt betg valair, in pragmatic plitost, punctuescha il nov directur dal Teater Cuira. Ils «Cuntrasts» han accumpagnà el durant ses emprims trais mais tras muments da plaschair e magia, dentant er muments da stancladad, dubis e grittas. L’emprima visita a Roman Weishaupt avain nus fatg duas emnas avant l’avertura da sia emprima sessiun sco directur dal Teater Cuira. Per entschaiver avain nus giavischà in tur atras ses nov reginavel (davent da ses biro spartanic enfin si surchombras en in lieu cun vista magica), silsuenter avain nus accumpagnà el il di da sia emprima premiera (tenor la Südostschweiz «in’impertinenza u in statement sapientiv»), essan stads tar el sin acla (il paradis da sia uffanza), a Nairs (per vegnir en contact cun las regiuns) e nus eran cun el il mument ch’il Cussegl federal ha communitgà il lockdown. Nus avain discurrì cun Roman Weishaupt da magia, birocrazia, corona, da plaschairs e grittas, cumbats e visiuns. Trais mais essan nus stads als chaltgogns dal nov directur ed avain emprendì d’enconuscher in aventurier cun spiert avert e sensibel, cun schlantsch ed entusiassem ch’emprova da sviluppar in’atgna visiun per il teater da Cuira e per il Grischun, senza laschar starmentar da disas ed aspectativas presumablas.
Total Play: 0

Some more Podcasts by Radiotelevisiun Svizra Rumantscha (RTR)

100+ Episodes
Cuntrasts 10+     2
300+ Episodes
Minisguard 20+     2
400+ Episodes
Marella 10+     1