|
Description:
|
|
In terz da tut las spezias da plantas e d’animals èn periclitadas. La mesadad da tut ils biotops en Svizra èn sin svanir. Ma tgi è la culpa? Ils purs che na laschan betg pli esser la natira natira tranter tractor e racolta? U las possessuras da chasa che prefereschan in pastget steril empè d’in curtin da flurs? Ina natira intacta dovra cunzunt ina chaussa: variaziun. En l’emissiun «Cuntrasts» guardain nus perquai co ch’i stat cun la biodiversitad en Val Lumnezia, tge che crescha en ils schrebertins a Domat e co che la vegetaziun sisum il Piz Linard sa mida. E lura avain nus anc chattà stgazis en il tschaler dal Museum da la natira. |