|
Description:
|
|
Í Lestinni í dag verður meðal annars fjallað að gefnu tilefni um ókyrrð í lofti, og raunar víðar. Eydís Blöndal gaf út sína fyrstu ljóðabók, Tíst og bast, fyrir tveimur árum. Lífið á samfélagsmiðlum, lífið á veraldarvefnum, var gegnumgangandi þema í ljóðum bókarinnar og vakti hún talsverða athygli, rataði meðal annars á metsölulista Eymundsson og var prentuð þrisvar. Eydís gefur út sína aðra ljóðbók í vikunni og hlustendur kynnast henni í þætti dagsins. Og Halldór Armand Ásgeirsson flytur pistil um dauða samhengisins, súperdósir og Forn-Grikki.
Umsjón: Anna Gyða Sigurgísladóttir og Eiríkur Guðmundsson |