|
Description:
|
|
Í Lestinni í dag verður meðal annars spurt: Hvar er jaðarinn í listum og menningu í dag? Gestir þáttarins verða Salka Valsdóttir tónlistarkona úr Reykjavíkurdætrum, Davíð Roach Gunnarsson starfsmaður á nýmiðladeild RUV, Hildigunnur Birgisdóttir myndlistarkona og Árni Matthíasson blaðamaður. Einnig verður rætt um jaðarinn við Einar Má Guðmundsson rithöfund. Orlandó er karl, hún er kona, hán ferðast í gegnum nokkrar aldir og deilir á staðalmyndir um kynhlutverk, kynjatvíhyggju og kynvitund. Orlandó er sjötta skáldsaga breska rithöfundarins Virginíu Woolf. Persóna Orlandó er byggð á henni sjálfri, sem og vinkonu hennar, og ástkonu, Vitu Sackville-West. Sagan kemur út í dag í íslenskri þýðingu Soffíu Auðar Birgisdóttur. Að gefnu tilefni rýnir Lestin í söguna með þýðanda verksins og fræðist um leynilegt ástarsamband þeirra Virginíu og Vitu.
Umsjón: Anna Gyða Sigurgísladóttir og Eiríkur Guðmundsson |