|
Description:
|
|
Í Lestinni í dag verður þess minnst að á morgun verða fjörutíu ár liðin frá útkomu hljómplötunnar „Heroes“ með breska tónlistarmanninum David Bowie. Platan er ein sú merkasta á ferli hans, og hefur þótt endurspegla kalt stríð í tvískiptri Berlínarborg. Gestir Lestarinnar verða Bragi Ólafsson rithöfundur, Hjálmar Sveinsson borgarfulltrúi, Sindri Freysson rithöfundur og Valur Gunnarsson rithöfundur og blaðamaður. Í byrjun októbermánaðar, var tilkynnt í Stokkhólmi breski rithöfundurinn Kazuo Ishiguro fengi bókmenntaverðlaun Nóbels í ár. Í októbermánuði ársins 1996 var það hins vegar tilkynnt að pólska skáldkonan Wislawa Szymborska hlyti verðlaunin það ár. Lestin skoðar líf og list Szymborska nánar í dag með góðum gestum.
Umsjón: Anna Gyða Sigurgísladóttir og Eiríkur Guðmundsson |