|
Description:
|
|
Í Lestinni í dag verður meðal annars hugað að myndlist, sjónvarpi og heimildamyndagerð. Myndlistarkonan Hildigunnur Birgisdóttir er þekkt fyrir að umhverfa hugmyndum okkar um hið litla, oft og tíðum ómerkilega. Umhverfa hugmyndum okkar um hið hversdagslega yfir í eitthvað stærra og meira. Lestin heimsækir Hildigunni og fræðist nánar um hennar listsköpun í þætti dagsins. Raðmorðingjar eru sívinsælt umfjöllunarefni í kvikmyndum og sjónvarpi. Mindhunter eru nýjir þættir á Netflix sem fjalla um tilurð hugtaksins og fólkið sem varð fyrst til að rannsaka þessa glæpamenn. Áslaug Torfadóttir kynnti sér málið og segir frá í Lestinni í dag. Einnig verður rætt við Körnu Sigurðardóttur um nýja heimildarmynd hennar, 690 Vopnafjörður, sem frumsýnd verður í BíóParadís síðar í vikunni.
Umsjón: Anna Gyða Sigurgísladóttir og Eiríkur Guðmundsson |