|
Description:
|
|
Í Lestinni í dag verður meðal annars rætt við Steingrím Eyfjörð myndlistarmann en sýning hans, Pareidolia, verður opnuð í Hverfisgalleríi á laugardag. Þar sýnir Steingrímur verk sem tengjast hugar- og átakaheimi kaldastríðsins. Goðin í Ásgarði eru langt frá því að vera fullkomin. Þau eru breysk, rétt eins og mannfólkið. Fantasíuhöfundurinn Neil Gaiman færir goðin nær lesandanum í bókinni Norrænar goðsagnir. Urður Snædal segir nánar frá sögunni í þætti dagsins, en hún íslenskaði verk Gaimans. Gunnar Theodór Eggertsson fjallar um kvikmyndina Rökkur eftir Erling Thoroddsen, og Hrafnhildur Þórhallsdóttir rithöfundur fjallar um það að lifa ljóðinu.
Umsjón: Anna Gyða Sigurgísladóttir og Eiríkur Guðmundsson |